Aðalskipulag Reykjavíkur 2001-2024

Aðalskipulag Reykjavíkur 2001-2024 er sett fram í greinargerð, á þéttbýlisuppdrætti, sem sýnir þróun byggðar, landnotkun og helstu umferðaræðar í Reykjavík og á sveitarfélagsuppdrætti sem sýnir landnotkun utan þéttbýlis í lögsagnarumdæmi Reykjavíkur. Greinargerð er skipt í þrjá hluta:

1. Greinargerð I - Stefnumörkun

Stefnumörkun aðalskipulagsins er sett fram í Greinargerð I, sem er ásamt Greinargerð III og skipulagsuppdrætti staðfestur hluti aðalskipulagsins. Hér að neðan má finna greinargerð I m.s.br. Greinargerð I er á PDF formi og hægt er að skoða hana hér að neðan. Til þess að lesa PDF skjalið þarf að hafa Acrobat Reader. Hann fæst ókeypis á heimasíðu Adobe.

Staðfest greinargerð m.s.br. - Greinargerð I, síðast uppfært 1. ágúst 2008 (PDF)

2. Greinargerð II - Lýsing aðstæðna, forsendur, skýringar og rökstuðningur með stefnumörkun
3. Greinargerð III - Þróunaráætlun miðborgar, landnotkun

Unnið var sérstakt umhverfismat á aðalskipulaginu og fylgir það með tillögunni í sérstakri skýrslu.

Aðalskipulag Reykjavíkur 2001-2024 var staðfest 20. desember 2002 og tók gildi 10. janúar 2003 þegar auglýsing um staðfestingu þess birtist í B-deild Stjórnartíðinda. Við gildistöku þess féllu Aðalskipulag Reykjavíkur 1996-2016 og Aðalskipulag Kjalarneshrepps 1990-2010 úr gildi.

Í aðalskipulaginu er lögð áhersla á að takmarka útþenslu byggðar í Reykjavík með því að skilgreina vaxtarmörk þéttbýlis, þétta núverandi byggð, blanda saman íbúðum og atvinnutækifærum á sama svæði og þar með draga úr ferðaþörf, með því að auka þéttleika, það er fjölda íbúða á hektara, á uppbyggingarsvæðum og auka áherslur á vistvænar samgöngur, svo sem almenningssamgöngur og aukin gæði byggðar.