Hæ! Hvernig getum við aðstoðað?

Ný göngu- og hjólabrú yfir Sæbraut var formlega tekin í notkun í dag. Brúin hefur verið í notkun undanfarnar vikur en var formlega tekin í gagnið nú í Samgönguviku. Fimmtíu börn í 4.bekk í Vogaskóla tóku þátt í opnuninni og Sirkus Íslands mætti á svæðið með skemmtiatriði. 

Umhverfis- og skipulagsráð Reykjavíkur hefur fallist á umsókn Nýs Landspítala ohf. (NLSH) um að hefja deiliskipulagsgerð í Fossvogi með það fyrir augum að þar rísi framtíðarhúsnæði geðþjónustu Landspítala. Skipulagslýsing vegna verkefnisins var samþykkt á fundi ráðsins í gær.

Fjölmargir gestir sátu áhugavert málþing um það nýjasta á ýmsum sviðum samgangna. Sérfræðingar sögðu frá nýju og stórbættu leiðakerfi Strætó, borgarlínustöðvum, landsbyggðarvögnum, gönguvænni borg, hjólreiðaborginni og aðgengi fyrir okkur öll. Greinilegt er að margt jákvætt er að frétta af samgöngumálum í höfuðborginni.

Þorbjörg S. Gunnlaugsdóttir dómsmálaráðherra og ráðherra jafnréttismála, Hanna Katrín Friðriksson atvinnuvegaráðherra og Heiða Björg Hilmisdóttir borgarstjóri Reykjavíkur, undirrituðu samkomulag um áframhaldandi starfsemi Svanna – lánatryggingasjóðs kvenna í gær.