Límmiðinn Ryklaus Reykjavík
26.10.2007
Reykjavíkurborg hefur gefið út límmiða sem á er ritað: Ryklaus Reykjavík. Límmiðinn er liður í víðtækum aðgerðum borgarinnar til að draga úr svifryksmengun. Hann er ætlaður bifreiðum sem aka um á góðum naglalausum vetrardekkjum.
Sex atriði vinnast við það að draga úr notkun nagladekkja í borginni: Minna slit á götum, minni svifryksmengun, lægri kostnaður við hreinsun gatna og niðurfalla, minni eyðsla eldsneytis, minni umferðarhávaði og færri innlagnir þeirra sem eru með astma eða viðkvæm öndunarfæri. Límmiðanum verður m.a. dreift á dekkjaverkstæði og í bílaumboð. Ökumönnum stendur til boða úrval af góðum vetrardekkjum sem ekki eru negld t.d. loftbóludekk, harðkornadekk, harðskeljadekk og heilsársdekk.
„Fyrirhyggja og framsýni eru lykilþættir í vetrarakstri,“ segir Sigríður Ólafsdóttir ökukennari og starfsmaður Umhverfissviðs Reykjavíkurborgar. Hún segir ráðlegur fólki að nota góð vetrardekk í stað nagladekkja og gæta að því að a.m.k. einn þriðji af munstrinu sé til staðar. „Mikilvægt er að hreinsa bíldekkin reglulega og gíra bíla niður í hálku,“ segir hún
Tenglar:
Vetrarakstur
Veggspjald um svifryk og nagladekk
Tillögur umhverfisráðs vegna svifryks
Mótvægisaðgerðir gegn svifryki