Leikskólinn - fyrsta skólastigið
Leikskólinn er fyrsta skólastigið í íslensku skólakerfi og annast að ósk foreldra uppeldi, umönnun og menntun barna á leikskólaaldri, sbr.lög um leikskóla frá 1. júlí 2008. Í leikskólum borgarinnar er haft að leiðarljósi að börnin njóti bernsku sinnar, læri og þroskist í leik og samveru. Flestir leikskólar hafa markað sér sérstöðu með áherslu á ákveðna stefnu eða þætti í starfinu, s.s. samskipti, lestur og ritmál, stærðfræði, heimspeki, náttúru og umhverfisvernd.
Fréttir
Grasagarðurinn býður elstu börnum leikskólanna í fræðsluheimsóknir í september. Í þeim kynnast börnin því m.a. hvernig hlúa má að blómum svo þau vaxi og dafni.
Börnin í leikskólunum Bakka og Bergi hafa undanfarna daga tekið fagnandi við gjöfum jarðar, en nú er uppskerutími hjá þeim. Leikskólarnir tveir eru nú reknir saman undir stjórn Ingibjargar E. Jónsdóttur.
Um miðjan september verður opnuð ný deild við leikskólann Rauðhól að Sandavaði 7 í Norðlingaholti, en brýn þörf er í hverfinu fyrir leikskólapláss fyrir börn sem verða tveggja ára á árinu.
Skoða allar fréttir