04.10.2007

Málþing um snemmtæka íhlutun í leikskóla

Föstudaginn 12. október kl. 13 verður haldið málþing á vegum Þjónustumiðstöðvar Laugardals og Háaleitis um snemmtæka íhlutun í leikskóla í salnum Bratta í KHÍ.

Snemmtæk íhlutun sem oftast er skilgreind sem "þjónusta við börn á aldrinum 0-6 ára sem hefur það að markmiði að koma í veg fyrir eða draga úr áhrifum þroskavandamála barna" er áhersluþáttur í stefnukorti Leikskólasviðs varðandi verklag í sérkennslu og jafnframt hluti af 10 ára framtíðarsýn í stefnu Reykjavíkurborgar í menntamálum.

Á málþinginu býðst því einstakt tækifæri á að fræðast um snemmtæka íhlutun, s.s. hugmyndafræði, framkvæmd, gæðaviðmið þjónustu og reynslu leikskóla (sjá dagskrá).

Vinsamlegast tilkynnið þátttöku á netfangið helgi.hjartarson@reykjavik.is eða orri.smarason@reykjavik.is

Dagskrá:

Snemmtæk íhlutun í leikskóla
Málþing haldið í salnum Bratta KHÍ 12. október 2007

13:00-13:05  Setning

13:05-13:35 Hvað er snemmtæk íhlutun?

Dr. Tryggvi Sigurðsson, sérfræðingur í fötlunum barna og sviðstjóri þroskahömlunarsviðs Greiningar og ráðgjafarstöðvar ríkisins

13:35-14:05 Er ekki kominn tími til að tengja? - Hugleiðingar um framkvæmd snemmtækrar íhlutunar

 Jóna Guðbjörg Ingólfsdóttir, aðjúnkt við Kennaraháskóla íslands og sérkennsluráðgjafi á þjónustumiðstöð Vesturbæjar

14:05-14:25 Snemmtæk íhlutun í leikskólanum Múlaborg

Rebekka Jónsdóttir, leikskólastjóri og Brynhildur Guðmundsdóttir, sérkennslustjóri

14:25-14:40 Kaffi

14:40-15:00 EISAS matslistinn – mat á gæðum snemmtækrar íhlutunar

Helgi Hjartarson, deildarstjóri á Þjónustumiðstöð Laugardals og Háaleitis

 15:00-15:35 Vinnubrögð til að fyrirbyggja og takast á við erfiða hegðun

Dr. Anna Lind Pétursdóttir, sálfræðingur og verkefnisstjóri á Leikskólasviði Reykjavíkur

15:35-16:00 PBS í leikskólanum Suðurborg

Hulda Magnúsdóttir, Bergey Hafþórsdóttir og Siggerður Á. Sigurðardóttir sérkennslustjóri

- Þjónustumiðstöð Laugardals og Háaleitis er þekkingarstöð um málefni fatlaðra.