Heilbrigðiseftirlit Reykjavíkurborgar

Hlutverk heilbrigðiseftirlits og vöktunar er að fara með heilbrigðis- og mengunarvarnareftirlit í lögsagnarumdæmi Reykjavíkur skv. lögum nr. 7/1998 um hollustuhætti og mengunarvarnir, matvælaeftirlit skv. lögum nr. 93/1995 um matvæli og eftirlit með eiturefnum og hættulegum efnum skv. lögum nr. 52/1988 um eiturefni og hættuleg efni og reglugerðum skv. þeim.  Þá hefur Heilbrigðiseftirlit og vöktun einnig eftirlit með hundahaldi í borginn skv. samþykkt nr. 52/2002 um hundahald í Reykjavík.  Heilbrigðiseftirlit gefur út starfsleyfi fyrir allan starfsleyfisskyldan atvinnurekstur og sinnir reglubundnu eftirliti með honum auk þess að fara með málefni er varða hunda og hundahald.  Heilbrigðiseftirlit og vöktun sinnir þjónustu og fræðslu til starfsleyfisskyldra fyrirtækja og borgarbúa er snýr að heilbrigðiseftirliti og vöktun umhverfis.  Heilbrigðiseftirlit og vöktun heldur skrá yfir framkvæmd og niðurstöður eftirlits, bæði hjá starfsleyfisskyldum fyrirtækjum og yfir þau mál og verkefni sem sinnt er.