01.12.2008
Gefnar hafa verið út reglur um viðbrögð þegar röskun verður á skólastarfi vegna óveðurs. Slökkvilið höfuðborgarsvæðisins/stjórn Almannavarna á höfuðborgarsvæðinu hefur látið gera leiðbeinandi vinnureglur um viðbrögð í óveðri í samráði við fulltrúa sveitarfélaganna á svæðinu. Bæði er um að ræða leiðbeiningar til starfsmanna skólanna og foreldra.
Aðaláherslan er á að foreldrar meta í hverju tilviki hvort þeir vilja halda börnunum heima en verða þá að tilkynna það sem leyfisbeiðni til skólans. Einnig er áhersla á að skólarnir sjái til þess að það verði alltaf einhver starfsmaður í skólunum til að taka á móti þeim sem mæta þrátt fyrir að senda hafi verið út tilkynning um að skólahald falli niður.
Um er að ræða tvö viðbúnaðarstig vegna óveðurs:
VIÐBÚNAÐARSTIG 1: Röskun verður á skólastarfi vegna erfiðleika starfsfólks og nemenda við að komast til skóla – foreldrar fylgi börnum í skólann.
VIÐBÚNAÐARSTIG 2: Skólahald fellur niður. Hér er fyrst og fremst átt við yngri börn en það er algjörlega á ábyrgð foreldra og háð mati þeirra. Þegar rætt er um foreldra er átt við foreldra og aðra forráðamenn.
Hér fyrir neðan eru viðbragðsáætlanir í PDF formi - annars vegar fyrir starfsfólk grunnskóla og hins vegar fyrir foreldra og forráðamenn:
Röskun á skólastarfi vegna óveðurs - Reglur um viðbrögð starfsfólks í grunnskólum
Röskun á skólastarfi vegna óveðurs - Tilmæli um viðbrögð foreldra og forráðamanna
Á fleiri tungumálum:
Röskun á skólastarfi vegna óveðurs - Tilmæli um viðbrögð foreldra og forráðamanna - Enska
Röskun á skólastarfi vegna óveðurs - Tilmæli um viðbrögð foreldra og forráðamanna - Pólska
Röskun á skólastarfi vegna óveðurs - Tilmæli um viðbrögð foreldra og forráðamanna - Rússneska
Röskun á skólastarfi vegna óveðurs - Tilmæli um viðbrögð foreldra og forráðamanna - Spænska
Röskun á skólastarfi vegna óveðurs - Tilmæli um viðbrögð foreldra og forráðamanna - Tælenska