Fréttir
Í Viðey er að finna listaverk eftir tvo heimskunna listamenn, Áfanga eftir Richard Serra (f. 1939) og Friðarsúluna eftir Yoko Ono (f.1933). Bæði verkin eru gjafir listamannanna til íslensku þjóðarinnar. Þriðjudaginn 3.ágúst verður listfræðingurinn Heiðar Kári Rannversson með leiðsögn um Viðey þar sem hann segir frá verkunum.
Stórtónleikar verða í Fjölskyldu- og húsdýragarðinum um verslunarmannahelgina þegar hin stórgóða og margrómaða hljómsveit Super Mama Djombo frá Gíneu Bissá heldur tvenna tónleika í garðinum.
Ákveðið hefur verið að veita tímabundið leyfi til götu- og torgsölu í Reykjavík en borgaryfirvöld hyggjast fara yfir þær reglur sem eru fyrirliggjandi varðandi leyfisveitingar ásamt því að móta stefnu til framtíðar. Stefnt er að því að ljúka þeirri vinnu fyrir lok septembermánaðar.
Allskyns litskrúðugir munir hafa undanfarið dúkkað upp í Austurstrætinu eins og vegfarendur þar hafa margir tekið eftir. Það eru sex nemar í arkitektúr frá Listaháskóla Íslands sem eiga heiðurinn af verkunum en saman kalla þeir sig Betristofu borgarinnar.